fituri

फितुरी

धुंद सारी पावसाच्या
घेऊन जातात कधी मला
आठवणींच्या गावाला
जिथे दूरपर्यंत माळरानाच
आहे माझ्या साथीला

धुंद सारी पावसाच्या
बरसतात तुझ्याचसारख्या
कधी अखंड अविरत
तुझेच शब्द होऊन
अन कधी नुसताच
बोलावं नयनांतून

धुंद सारी पावसाच्या
ज्यांच्यासाठी
चातक झालाय आतुर
माझ्याचसारखा
अन माझे शब्दही
झालेत तुझेच फितूर

धुंद सारी पावसाच्या
हल्ली नकोशाच वाटतात
येण्याचे वाचन देऊन
ऐनवेळी घात करतात
खरच का रे त्याही
तुझीच फितुरी करतात?